14 वर्ष देखी निरन्तर
समकालीन साहित्य

गजल

गजल सबिन सिंह August 23, 2010, 8:08 am

सुख दुख बराबरी हेर्ने आँखा फरक फरक ।

सबैको छ कथा एक भन्ने भाका फरक फरक ।।

सङ्घर्षको मैदानमा खेल अनि झेल दुवै ।

भिड्नु पर्छ सबले यहाँ छेक्ने बाधा फरक फरक ।।

चेतनाले सिचिँएको बोट यौटै ज्ञान फल्ने ।

विष अनि मिठो फल फल्ने हाँगा फरक फरक ।।

सूर्य किरण छाएको छ सबै माथी बराबर

तर पनि ठूलो सानो बन्ने छायाँ फरक फरक ।।

हरेक दिन भर्दै जान्छ, खाली पाना एक एक गर्दै,

किताब यौटै जिन्दगी यो, छोप्ने गाता फरक फरक ।।

कपिलवस्तु

लेखकका अन्य रचना पढ्न यहाँ क्लिक गर्नुहोस ।