14 वर्ष देखी निरन्तर
समकालीन साहित्य

गजल

गजल रामविक्रम थापा August 30, 2010, 1:47 am

यत्ति धेरै माया किन गुणलाई पो हो कि

मलाईभन्दा बढी माया घूनलाई पो हो कि ।

म त ध्वाँसे कालो हाँडी कुनातिरै बस्छु

यत्ति सेतो चहक रङ्ग चूनलाई पो हो कि।

म त बामपुड्के फर्सी खाल्डाभित्रै पस्छु

तिम्रो बृद्धि माथि आकाश छुनलाई पो हो कि।

म त कालो औँसी रात अँध्यारोमै बस्छु

यति राम्रो ज्योत्स्ना पनि जूनलाई पो हो कि।

ओठबाट मेरो हाँसो अन्तै गयो अचेल

तिमी यति धेरै हाँस्नु रुनलाई पो हो कि।

लेखकका अन्य रचना पढ्न यहाँ क्लिक गर्नुहोस ।