14 वर्ष देखी निरन्तर
समकालीन साहित्य

गजल

गजल मोतीराम भट्ट September 16, 2010, 5:44 am

ई सानै उमेरदेखि मन् हर्न लागे ।

ई नै सुन्दरीले जुलुम गर्न लागे ।।१।।

कहाँसम्म को आँट लौ हेर तिन्को ।

रिसायेर आँखा पनी तर्न लागे ।।२।।

सुनिस् मन् मुनीञा वडो होस राखेस् ।

फिंजायेर जाल कागुनू छर्न लागे ।।३।।

एकै पल्ट आँखा घुमाई दिनाले ।

कती उड्न लागे कती मर्न लागे ।।४।।

जसैगै ‘म पर्खन्छु’ हाँसेर भन्छिन् ।

ई ऐले भनें पेचमा पर्न लागे ।।५।।

विराना र आफ्ना नराम्रा र राम्रा ।

सबै सुन्दरीका अघि सर्न लागे ।।६।।

अघी पर्न सक्तीन है म हरिका ।

नजरदेखि मोती पनि झर्न लागे ।। ७।।

लेखकका अन्य रचना पढ्न यहाँ क्लिक गर्नुहोस ।