16 वर्षदेखि निरन्तर
समकालीन साहित्य
समकालीन साहित्य
म युयुत्सु हुँ l
मान्छेको बिरुद्ध
युद्ध नलड्ने भनेर
चुपचाप बसेकोछु l
मेरो
अखण्डता
र
सार्बभौमसत्ताको
घात गर्दै
अघि आयौ भने
एक्काइशौं शताब्दीको
अन्तिम युद्ध
तिमीसंगै लड्छु
लड्छु तिमीसंगै l
कोलोनी बाँच्न सक्दिन l
दुई दशमलब चार प्रतिसत
भूगोलको फोक्टीमा
धरतीका सारा
पन्ध्र प्रतिशत
मान्छे/अ/मान्छे बीच
डढेलो सल्काउन चाहन्न l
मेरो शरीरभरि
झुल्ला थापेर चकमक नपार
ममाथि तेल नथप
म अहिले आगो भएकोछु l
शैलाधिपबाट
तिमीले चोरेका माटो
र
बंग्याएको ईतिहांसमा
अब,लाभा उमालेर छोड्छु l
विस्तारवादी आतंककारी !
कुमनुच्छे !
तँलाई तुन्द्रुंगमा हाल्छु l
हाल्छु तँलाई तुन्द्रुंगमा l
क्लिव !
अज्यौली थापेर
जाफ्ता च्यात्न
म पनि जान्दछु l
अचैतन्य !
लोहकिल मिच्दै
मसंग सेम थपेर बढ्दैछौ l
भीरमा बसेर सोघा झैं नतर्साऊ l
तिम्रो कल्पान्त नजिकिएकोछ l
मेरो राष्ट्रियतामा धावा नबोल l
लोदर योपन सहन सक्दिन l
म वाग्मीपुत्र हुँ l
अग्निशर्मा हुँ l
अग्रेठ भएकोछु l
स्वतन्त्र भुतल/व्योमप्रेमी
हिमाली राज्यको
प्रगल्भ नेपाली हुँ l
स्वाभिमानमा अपच
अतिक्रमण अक्षम्य छ l
तिम्रो भौज्य होइन यो मेची-महाकाली l
स्वाभिमान
र
स्वतन्त्रताको निमित्त
यो अझेटोमा
पुरै................
अढाई करोड भन्दा बढी
प्राणले एकै चोटी
प्रतिरक्षात्मक रुपमा
अन्गुली खेल्दै
पृथ्वी रंग्याउन तयारछु l
मेरो इरादा बुझेर घुंडा टेक l
भाग ! यहाँबाट
र
रोटी पोलेर खाऊ l
धोतीले इज्जत छोप्न सिक l
त्यहिँ तिम्रो भलो छ l
म योगक्षेममा छुच्चोछु l
यो विपुलामा
मेरो पनि आफ्नै देश छ l
कोलोनी बाँच्न सक्दिन l
खबरदारीको
यो अन्तिम पत्र हो -
अन्यथा,
म
अन्तिम युद्ध तिमीसंगै लड्छु l
अजस्त्र म नेपालभक्त हुँ