14 वर्ष देखी निरन्तर
समकालीन साहित्य

उत्सवपूर्व

कविता प्रकाश सिलवाल September 19, 2010, 12:43 pm

हामी उभिएको डीलबाट

पछडि नफर्कने

घोषणा गरिरहँदा

जहाँ छौ

त्यहाँबाट कति पर पुग्नेछौ ?

उत्तर आफैभित्र लुकाएर

फेरी प्रश्न दोहो¥याउने

दायित्व हाम्रै हो भने

सुनाइदिनोस्

ती बगैंचातिरका फूलहरूलाई

हामी त्यतै आउने सोचमा प्रतिवद्ध छौ

र,

भ्निदिनोस्

हामी त्यहाँ नपुग्दै

विजयको माला लगाउन सक्नेछौ

फूलहरूलाई पत्तै नदिई

बास्ना पहिरिदन सक्नेछौ ।

त्यतिबेला,

तपाईले बुझ्नुहुनेछ

यो हाम्रो उही छलाङ्ग हो

जहाँ,

रात बाँकी छँदै उज्यालो आयो

एउटा पुरानो क्रमको अन्त्य भयो

एउटा नयाँ क्रमको प्रारम्भ भयो

के तपाई हामीलाई बधाई दिनुहुन्न ?

थानापति–३, नुवाकोट

लेखकका अन्य रचना पढ्न यहाँ क्लिक गर्नुहोस ।