14 वर्ष देखी निरन्तर
समकालीन साहित्य

गजल

गजल आचार्य प्रभा September 21, 2010, 6:01 am

मलाई तिम्रो चाहाना भन्दा प्रीत मीठो लाग्छ

मायाले दे'को कोशेली भन्दा गीत मीठो लाग्छ ।

उपहार् भनि पर्दैन दिन हीरा मोती अब

मलाई तिम्रो साहारा भन्दा हित मीठो लाग्छ ।

मायाको चिनो चाहिन्न अब साथ तिम्रो पाए

सम्पत्ति भन्दा मायाले दे'को जित मीठो लाग्छ ।

चाहिन्न फेरि खुशीको शब्द हात दिए पुग्छ

समर्पण् भन्दा दुखकै बरु मीत मीठो लाग्छ ।

कहिले पनि नदिनु तिम्ले हाँसो लेउ भनि

नछाड्ने साथ कसैको पनि रीत मीठो लाग्छ ।

लेखकका अन्य रचना पढ्न यहाँ क्लिक गर्नुहोस ।