19 वर्षदेखि निरन्तर
समकालीन साहित्य
समकालीन साहित्य
तुवाँलोले ढाकेको आकाश देखें
दिनभर तिमीलाई उदास देखें ।
यौटैसँगको माया अमर हुन्छ
तिमीसँग कैले पुष्कर, कैले प्रकाश देखें ।
धर्म, संस्कृति र परम्परा कता गयो ?
हिजो आज विकृतिको विकास देखें ।
सूर्य उदाएकै हो हाम्रो छानामाथि
घरभित्र सधैं अँध्यारोको वास देखें ।
नेताको पछिपछि लागेका छौ मित्र
कविभन्दा राजनीतिको दास देखें ।
कस्को स्वार्थमा बन्दुक बोकेर हिँड््यौ
घरघरमा ढलेको आफन्तकै लास देखें ।
ऊ अझै अस्मिता लुट्न खोज्दै छ
बलात्कारीलाई तिम्रै आसपास देखें ।
चुनेर पठाएका थियौ जसलाई
उसैले उठाएको तिम्रो वास देखें ।
भैगो छोड, हावाको चित्र बनाउन
‘दिव्य’ खै, कस्ले भन्यो बतास देखें ।