17 वर्षदेखि निरन्तर
समकालीन साहित्य
समकालीन साहित्य
मारेर श्रवण कुमार
खर्पनमा आस्थाका धरोहर
बोकी हिंड्ने व्याधाहरु
बनाउँदैछन् समय ।
सिमाना आँफै
लुटिनुको सरहद खोज्दो छ
अँध्यारो गल्लिमा निरीह प्रशासन
आँफै डराएर हिंड्छ
वा,हिंडेहस्तो गर्छ ।
हामी
समय यस्तो छ
समय उस्तो छ
भन्छौं ।
यी आखेटक कर्तुतहरुको दोष
समयको टाउकोमा थोपरेर
किन उम्कन खोज्दैछौं हामी ?
किन खुम्चन खोज्दैछौं हामी ?
उनीहरुलाई फैलन दिएर
झुसिलकीराहरु हिंड्ने बाटो
खाली खुट्टा हिंडिरहेछौं ।
पापको छातीमा आगो
भर्भराउँछ एकदिन
अधर्मी कीराहरु निक्लन खोज्छन्
अत्तालिएर
धुँवाको ढोकामा तिमी छौ ।