गजल

गजल कृष्णा कुमारी महत November 2, 2010, 9:42 pm

---

जहिले देखि उनको मेरो परिचय भयो

शून्य थियो दिलको खाता सय-सय भयो ।

नयनका भमराँले सुन्दर मुहार चुम्दा

मुटुभरि मीठो यादको सञ्चय भयो ।

अनायासै चाहनाका पर्दा उघारिँदा

विना रङ्गमञ्च हाम्रो अभिनय भयो ।

लोलाएका ती नजर दर्पण बनी आउँदा

रात ढल्यो खुला पलक सूर्योदय भयो ।

मौन थिए अधर बोली रहे आँखाहरू

गन्तब्यको सोँच कहाँ यात्रा तय भयो ।

भरतपुर-१२, चितवन

लेखकका अन्य रचना पढ्न यहाँ क्लिक गर्नुहोस ।