17 वर्षदेखि निरन्तर
समकालीन साहित्य

गजल

गजल जितेन्द्र मल्ल November 24, 2010, 7:56 pm

सुटुक्क म भन्छु केही, मेरो कुरो मान्छ्यौ भने ।

साटौ मुटु सँगै ज्युँने, मर्ने कसम खान्छ्यौ भने ।

लाखौं माझ मैले आज, तिमी छाने आफ्नै माने,

छैन कर आउ वर, आफ्नो मलाई ठान्छ्यौ भने ।

जस्तो पर्ला उस्तै टर्ला, छोडी डर अघि सर,

आउने बाधा आधा आधा, सरोबरी धान्छ्यौ भने ।

हुन्न देख्या हुन्छ लेख्या, भन्ने भनुन् भन्दै गरुन्,

चढाइ डोली लान्छु भोली, भन यदी जान्छ्यौ भने !

लेखकका अन्य रचना पढ्न यहाँ क्लिक गर्नुहोस ।