19 वर्षदेखि निरन्तर
समकालीन साहित्य
समकालीन साहित्य
ईश्वर पनि बाटो सधैं, बिराउँछ किन !
जहिले पनि मलाई नै, पिराउँछ किन !!
कष्टहरु सहेर नि, माथि चढ्न खोज्दा !
खुट्टा तानी जमिनमै, गिराउँछ किन !!
दुःखभित्रै सुख खोज्ने, प्रयास गर्दा समेत !
सुख लुकाइ दुःख मात्रै, भिराउँछ किन !!
बित्छ क्यारे जीवन त्यसै, उज्यालोकै आशमा !
अन्धकारमै धकेलेर, छिराउँछ किन !!
दिनदेखि डराउँछ 'निल', ऋणदेखि होइन !
नलिएको ऋण पनि, तिराउँछ किन !!