19 वर्षदेखि निरन्तर
समकालीन साहित्य
समकालीन साहित्य
शिखरमा पुग्ने मान्छे तल झर्न चाहँदैन
शरीरले दिँदैन साथ, कोही मर्न चाहँदैन
नबोलेरै काटिएको युगलाई सलाम छ
अचेल कोही मौनताको भरपर्न चाहँदैन
मनलाई बाँध्नेहरू अमर भए होलान् तर
जिन्दगानी तिनलाई याद गर्न चाहँदैन
सपनाको हिमपातका घाइत्ते त करोडौँ छन्,
विरोधमा कोही पनि अघि सर्न चाहँदैन
'विभोर' भई उदाशीले खोल्यो झ्यालका पर्दाहरू
ऊ, मुहारमा एउटै रङ्ग सधैँ भर्न चाहँदैन