14 वर्ष देखी निरन्तर
समकालीन साहित्य

गजल

गजल भुपेन्द्र महत January 5, 2011, 7:26 am

नयाँ बर्ष,तिमिले एउटा आयम थाल्नु पर्‍यो

चेतनाको दियालो निभाए, तिमीले बाल्नु पर्‍यो

धुजा धुजा भै मक्की सक्या छ इज्जत आबरु नि

सके देखि आउनु, देश यो मिलेर टाल्नु पर्‍यो

भोका छन यहाँका उपिया उडुस जती डसे नि

खोजि खोजी लेराउ अचुक ओखती हाल्नु पर्‍यो

खै कसरी कुहियो टाउका ति आलु कुहिए झै

गनाउन थालेछ गिदीको फोहोर फाल्नु पर्‍यो

माटो दुखे सुखी को? चुहिए छाना ओतिन्छ को?

हातेमालो गरेर एउटा कदम चाल्नु पर्‍यो

लेखकका अन्य रचना पढ्न यहाँ क्लिक गर्नुहोस ।