14 वर्ष देखी निरन्तर
समकालीन साहित्य

परिभाषा

लघुकथा डा. रविन्द्र समिर January 23, 2011, 7:09 am

टाउकोमा दुईतिर डोरीले चुल्ठो बाटेकी छे, आँखामा गाजल र निधारमा बजारिया टिका लगाएकी छ – कस्ती नक्कली केटी ! – हजुरबुबाको परिभाषा ।

साडी, चोल नलगाएर के कुर्ता सुरुवाल लगाएकी होली ? काँही नभएकी नक्कली केटी – बुबाको परिभाषा ।

केटी भएर पनि कपाल काटेकी छे, टि सर्ट र जिन्सको पाइन्ट लगाएकी छे, कस्ती नक्कली केटी ! मेरो परिभाषा ।

कपडाको नाममा दुई टुक्रा पारदर्शी कपडा लगाएर हिँड्ने अर्धनग्न नक्कली केटी – छोराको परिभाषा ।

मलाई रिँगता लाग्छ, नातीको शब्दकोषमा नक्कली केटीको परिभाषा के हुने होला भनेर ?

लेखकका अन्य रचना पढ्न यहाँ क्लिक गर्नुहोस ।