गजल

गजल रामनाथ घिमिरे January 26, 2011, 8:17 pm

---

अमृत रोपेथे तर विष फलेपछि के लाग्यो र

आफ्नो भन्नेले नै छलेपछि के लाग्यो र

धेरै बयान दिएँ मैले पिरतीको इजलासमा

बकपत्र गर्दा गर्दै गलेपछि के लाग्यो र

अबिश्वासको खडेरीले गाँजेको छ दुनियाँ यो

बिश्वासको बस्ती सबै बलेपछि के लाग्यो र

छातीभित्र कोमल मुटु, मुटुभित्र उनलाई राखेँ

यै मुटुनी उनकै कारण जलेपछि के लाग्यो र

आँशु सस्तो भाछ अचेल, हाँस्ने भन्दा रुने धेर छन्

हाँसो लुट्दै हिड्ने चलन चलेपछि के लाग्यो र

भक्तपुर

लेखकका अन्य रचना पढ्न यहाँ क्लिक गर्नुहोस ।