14 वर्ष देखी निरन्तर
समकालीन साहित्य

गजल

गजल आचार्य प्रभा January 29, 2011, 6:32 am

देशको चिन्ता लाग्दैन भनि कसरी भनुँ म?

मनको घाउ पाक्दैन भनि कसरी भनुँ म?

सम्झना आइ झस्काइ दिए कल्पिन्छु भुमी नै

आँखामा देश ढाक्दैन भनि कसरी भनुँ म?

झल्झली देख्छु नेपाल आमा आँखामा अल्झेको

दु:खले मन थाक्दैन भनि कसरी भनुँ म?

विदेश बस्दा देशको माया झन पो बड्दो छ

आँटले देश हाँक्दैन भनि कसरी भनुँ म?

बिदेशी भनि लेपन लाग्यो मन छ नेपाली

गोडाले देश ताक्दैन भनि कसरी भनुँ म ?

लेखकका अन्य रचना पढ्न यहाँ क्लिक गर्नुहोस ।