गजल

गजल डा.रुपक श्रेष्ठ February 6, 2011, 5:23 am

---

था'छ मलाई पाएसम्म थुनी घरमै राख्छौ

अर्को कुरा गरे मलाई कारागारमै राख्छौ ।

यति माया गर्छ्यौ मलाई म त के भनुँ खै

यस्तो भान हुन्छ सुन्दा दरबारमै राख्छौ ।

के हिसाबले बुझ्छन अरु उनको आफ्नै कुरा

मलाई त यस्तो लाग्छ तरबारमै राख्छौ ।

मायाजालले ढाकिछोपी मलाई अन्धो बनाई

एक थुंगा गुलाफ चढाई काँडेबारमै राख्छौ ।

लण्डन

लेखकका अन्य रचना पढ्न यहाँ क्लिक गर्नुहोस ।