17 वर्षदेखि निरन्तर
समकालीन साहित्य
समकालीन साहित्य
मनका पीडा पगालेर आँखाबाट झारेको छु
मभित्रका अभिलाषा भ्रूण छँदै मारेको छु ।
अर्थ खोज्छ जिन्दगीले कैले खोज्छ परिभाषा
नफूल्दैमा वैलाउनेको हुन्न रै’छ कुनै आशा
जिन्दगीको लडाइँमा पाइलैपिच्छे हारेको छु
मभित्रका अभिलाषा भ्रूण छँदै मारेको छु ।
परेलीका दोछायामा हेर्न खोजेँ आफ्नै बिम्ब
हराएका कथा व्यथा साट्न खोजेँ आफैसँग
स्वप्ना देख्ने सपनालाई वहानामै टारेको छु
मभित्रका अभिलाषा भ्रूण छँदै मारेको छु ।