गीत

गीत गीता खत्री March 10, 2011, 8:09 am

---

मनमन्दिरमा तिमी बस्यौ, अधरमा तिमी

तिमीसँगै जिन्दगी यो, पाउँछु रिमी–झिमी ।

तिमीलाई पाउँ भनी, मनमा दियो बालें

साँझ विहान देवी–देउता, भाकी धूप हालें

मेरो साथ मेरो हात यो जुनीमा तिमी

तिमीसँगै जिन्दगी यो पाउँछु रिमी–झिमी ।

अजम्बरी माया संझी, रोपें एउटा पृ्mल

कैले पनि नसुकोस् है, पिरतीको मूल

मैले गाउने मीठो गीत, सधै बन तिमी

तिमीसँगै जिन्दगी यो पाउँछु रिमी–झिमी ।

लेखकका अन्य रचना पढ्न यहाँ क्लिक गर्नुहोस ।