14 वर्ष देखी निरन्तर
समकालीन साहित्य

पदचिह्न

कविता बैद्यनाथ उपाध्याय April 2, 2011, 3:58 pm
बैद्यनाथ उपाध्याय
बैद्यनाथ उपाध्याय

बालुवामाथि

पहाडमा हिंऊ जमेसरी

जमेको छ दुख!

मेरो आशाको सूर्य

भर्खरै डूबेको छ

क्षितिज पारी..

छाएको छ निस्पट्ट अँध्यारो

चारैतिर

धडकि रहेछ छातीमा

महाकालका गतिहरु

छानामाथिबाट सर्र सर्र

लम्कदै छ युग

विनाशको हूरी चलेको

यो समयमा

संत्रस्त छु

कसरी बच्ला

यी पदचिह्नहरु

बालुवामाथि..

लेखकका अन्य रचना पढ्न यहाँ क्लिक गर्नुहोस ।