19 वर्षदेखि निरन्तर
समकालीन साहित्य
समकालीन साहित्य
दैलोमा घडा फूल र पाती अक्षता सगुन दुनामा देखें ।
ठुस्केको छोरो रोएकी छोरी बसेका अलग कुनामा देखें ।
हाँस्थीन आमा हाँस्दथे बाबा म हुँदा घरमा प्रसन्न भई ।
छेलिइ हेरें दुवैका मुख हाँस्ने ति अधर थुनामा देखें ।
सजल नेत्र गह्रुँगो पाउ तापनि छोप्दैथी साइत पल ।
दिएको चीनो बेरुवा औंठी बाँधेकी चोलोको तुनामा देखें ।
भक्कानो रोकी छातीमै बोकी विरह छोपेर देखाई स्मित ।
उम्लेका पीडा आँखामा उन्को त्यो वेला हजार गुनामा देखें ।
आएथे सवै बान्धव बन्धु लिएर हातमा सुभेच्छा फूल ।
आदर प्रेम आशीक सारा गुच्छाका फूलको मुनामा देखें ॥