गजल

गजल राजेन्द्र अधिकारी April 5, 2011, 1:26 pm

---

जिन्दगीमा घाम-पानी हरेकसँग हुन्छ साथी ।

तिम्रो मात्र हैन मेरो पनि मन रुन्छ साथी ।

थाहा छ मलाई तीतो हुन्छ, कठोर हुन्छ, समन गर्न,

फूले पछि नवैलिने दुनियाँमा फूल कुनछ साथी?

खोल्सा खोल्सी तर्नु पर्छ, लड्नु पर्छ, हिलो लाग्छ,

दाग बोकी हाँसिरहने हाम्रै माथि जून छ साथी ।

कहिले काँही नखाएको बिस लाग्छ यस्तै रै'छ,

बेकसुर मकै सँगै पीसीई जाने घून छ साथी ।

आफ्नै आमा मारी खाने माकुरोको कथा कस्तो,

जानी-जानी सन्तानलाई फेरी जालो बुन्छ साथी ।

एक एक जोडी दुई हुन्न रै'छ जिन्दगीमा

एउटै जीबन सुत्र सही,फेरी गलत हुन्छ साथी ।

नबस भो कालो कालो बादल बोकी मनभरी,

रोउ बरु मेरै काँधमा आँसुले मन धुन्छ साथी ।

लेखकका अन्य रचना पढ्न यहाँ क्लिक गर्नुहोस ।