गजल

गजल राकेश कार्की April 16, 2011, 8:00 am

---

नसामा माया पो थाल्यो बग्न क्यार

छोप्दा छोप्दै भयो सब नग्न क्यार

मुटु मुटु जुध्दा पिरति भो झिलिक्क

गति भुली संसार थाल्यो डग्न क्यार

चाहिएन विवाह कुनै दर्ता दस्तखत

जुराउनै परेन शुभ लग्न क्यार

अजम्मरी सधैँलाई रोकिदैन कसै

सक्दैन मृत्युले पनि ठग्न क्यार

बरालिँदै लठारिँदै बैँशमा हराउँदै

दुई प्राण प्रेममा भयो मग्न क्यार

लेखकका अन्य रचना पढ्न यहाँ क्लिक गर्नुहोस ।