18 वर्षदेखि निरन्तर
समकालीन साहित्य
समकालीन साहित्य
तिमीले छोड्दा यो मन चर्क्यो तिम्रो त चर्केन ।
तिमीलाई माया गरेको दिन सम्झिदाँ फर्केन ।।
साउन वर्ष्यो मुसलधारे कलिलो प्रीतिमा ।
पिँडालु पातले तर्काउन खोजे केइ गरी तर्केन ।।
मायामा मेरो नुनचुक यहाँ कसले पो छर्केन
घाइते मुटु विझेको काँडा कैले पो झर्केन ।।
जिन्दगी भयो भदौरे मास निष्पट्ट अध्याँरो ।
उज्ज्यालो खोज्न आकाशै हेरें विजुली सर्केन ।।
आँशु पो दर्के पीडा पो दर्के हाँसो त दर्केन ।
खुशी मै जीवन लर्काउन खोजे तै पनि लर्केन ।।
यो तितो जीवन विसाउन खोजे फाल हाली भीरमा ।
कालका दिन घर्काउन खोजे केइ गरी घर्केन ।।
जोगबुडा, डडेल्धुरा