गजल

गजल सागरबहादुर साउँद May 13, 2011, 9:36 am

---

तिम्रो कालो कोटभित्र के छ ?

भन रातो ओठभित्र के छ ??

भुल्छन् भन्छन् सवै थोक छिरेपछि भित्र ।

भन त्यो सिहंको गोठभित्र के छ ?

सारा दुनियाँ दौडिन्छ पछि पछि त्यसकै ।

भन त्यो कागजको नोटभित्र के छ ?

आफैलाई भुलेर पागल हुन्छ मान्छे ।

भन त्यो पीरतीको चोटभित्र के छ ?

पात्र हुन्छ हेलाको नजरमा सवैको ।

भन त्यो जिन्दगीको खोटभित्र के छ ?

जोगबुडा, डडेल्धुरा

लेखकका अन्य रचना पढ्न यहाँ क्लिक गर्नुहोस ।