14 वर्ष देखी निरन्तर
समकालीन साहित्य

गजल

गजल आचार्य प्रभा May 23, 2011, 10:11 am

मन खोली दु:ख बाँड्नु मेरो ठुलो दोष थियो

के के भनें बेहोसीमा कहाँ मेरो होस थियो?

मनको कुरा खोल्नु भन्दा नखोलेकै जाती रै'छ

दु:ख पोख्दा सहयोगको तिम्रो मीठो जोश थियो ।

आदर्शको अर्ती भन्दा सहयोगको अभाव छ

मलाई छल्ने दु:ख माथी तिम्रो धेरै रोष थियो ।

सधैं भरी साथ दिने तिम्रो मीठो बाचा कस्तो

मेरो साथ पाउनलाई चाहा तिम्रो ठोस थियो

भन्थ्यौ तिमी मेरो माया जीवन भन्दा प्रिय लाग्छ

भुल्छु भन्ने सोंच तिम्रो बिहानीको ओस थियो ।

लेखकका अन्य रचना पढ्न यहाँ क्लिक गर्नुहोस ।