14 वर्ष देखी निरन्तर
समकालीन साहित्य

गजल

गजल आयुष चौधरी सम्मोहन May 30, 2011, 7:08 am

संगसँगै दिनभरी उनको प्यारो साथ थियो

अरु के के थियो कुन्नि हात माथि हात थियो ।

घरबाट केही टाढा त्यो छोटो यात्रा भरि

हँसिलो त्यो मुहारसँगै मिठो मिठो बात थियो ।

सूर्यले पश्चिम तिर सुन्तला रङ्ग कोरल्दै गर्दा

छुट्टिनुथ्यो तर उस्तै मायाको नै खात थियो ।

छुट्टिएनी साँझपख उनीसँग दोवाटोमा

सिमसिम पानी चिसो हावा सम्झनाको रात थियो ।।

लेखकका अन्य रचना पढ्न यहाँ क्लिक गर्नुहोस ।