सुहागरात

कविता होमबहादुर छेत्री May 30, 2011, 12:17 pm

---

हिजो मेरो सुहागरात

कुन्ठा दुलहीझै सज्जिएर

मेरो काखमा टाउको राखेर

मग्न थिई ।

उत्पीडनका गहनामा सज्जिएकी

मेरी प्यारी कुन्ठा

बनी धर्मपत्नी ।

व्यङ्ग्यका फुलहरुले सज्जिएको सेजमा

रातभरि

छटपटीको संगीत बजि रह्यो।

विवाहको मन्डपमा

साथी मेरा

अनुशासनहीनताको रक्सी पिएर

मात्तिरहे अनि

म

थुनुवा भै रहें अन्ध्यारो कैद खानामा

जहाँ

कुन्ठाले कन्ठ अबरुद्ध पारेर

तगारो लगाइ दिन्छे सन्धैका लागि

त्यसैले होला सायद

यस बङ्करभित्र

खुसीको हावा बग्दैन

यहाँ न बिजुली आउँछे बत्ती बाल्दै

न नै उषाले झुल्काउँछे

उदाइरहेको सूर्य

जस्ले

जन्माउन सकोस्

छोरो झल्मल ।

लेखकका अन्य रचना पढ्न यहाँ क्लिक गर्नुहोस ।