संवेदनाको हिउँ

कविता सुदीप पाख्रिन June 12, 2011, 7:24 am

---

नपग्लिएपछि

अलिकति पनि

आँखाहरुबाट संवेदनाहरुको हिउँ

नछोएपछि

छ्वास्सै पनि

ताता फलामे मुटुहरुलाई

चिसा अनुभूतिहरुका छालहरुले

आजभोलि

दिउँसै

म

नयाँसडकमा

लालटिन बालेर

कविता सुनाउन

श्रोता खोजी हिड्दैछु

एउटा हार्दिकता खोजी हिड्दैछु

पूmर्सद छैन हजुरहरुलाई ?

ठीकै छ

म

बिशालबजार अगाडि

खुला सडकमा उभिएर

ट्राफिकलाई अटेर गरेर

मेरो लेटेस्ट कविता

आज

शालिकलाई सुनाउँछु

म

मेरो कविता

जुद्ध शमशेरलाई सुनाउँछु

र,

शायद

के थाहा ?

भोलि

म

मेरो भोलिका कविता

हिटलरलाई सुनाउनेछु

नपग्लिएपछि

अलिकति पनि

आँखाहरुबाट संवेदनाहरुको हिउँ....

धरान

लेखकका अन्य रचना पढ्न यहाँ क्लिक गर्नुहोस ।