गजल

गजल निशान निष्कर्ष June 13, 2011, 2:54 pm

---

आँखाभरि प्रेमिल संसार खोजेर त पागल बनेँ

अँध्यारोमा टेक्ने संघार खोजेर त पागल बनेँ ।१।

दुनिया यो स्वार्थी हो, भन्ने जान्दा जान्दै मैले

दुनियाकै उपकार खोजेर त पागल बनेँ ।२।

जता काफल पाक्यो त्यतै चरी नाच्नुपर्छ भन्थे

तर मैले नयाँ विचार खोजेर त पागल बनेँ ।३।

हो कि कतै सुख दुःख जन्मदैको भागभोग

आफै भाग्य लेख्ने निधार खोजेर त पागल बनेँ ।४।

गोरखा

लेखकका अन्य रचना पढ्न यहाँ क्लिक गर्नुहोस ।