18 वर्षदेखि निरन्तर
समकालीन साहित्य
समकालीन साहित्य
ओ मेरी जून………ओ मेरो जिन्दगी
तिमी रोयौ र त रुझ्यो मनको धर्ती मेरो
नमरेरै जिन्दगीको उठ्यो अर्थी मेरो
तर पनि साँचेको छु मुटुभरी मायाँ
संझनामा बाँचेको छु बनि तिम्रै छायाँ
ओ मेरी जून………ओ मेरो जिन्दगी
सपनामा रातैभरी साथ साथै हुन्छौ
पोखिएको बैंश साट्दै अधर मेरो चुम्छौ
त्यसैले त हाँसेको छु एक्लै हुँदा पनि
बादलुको घुम्टो ओढी तिमी रुँदा पनि
ओ मेरी जून………ओ मेरो जिन्दगी
पर्खि बस्छु गोधूलिमा तिम्रै बाटो हेरी
हेर्दा हेर्दै टाढा हुन्छौ अनायसै फेरि
चाहना छ संगै बाँच्ने यौटै आकाश मुनि
परि आए तिम्रो लागि फेर्छु अर्को जुनी
ओ मेरी जून………ओ मेरो जिन्दगी