17 वर्षदेखि निरन्तर
समकालीन साहित्य
समकालीन साहित्य
मन घरिघरि घरतिर गा'छ
जुम्लाको रात अचेल लामो भा छ ।
छट्पटीमा कोल्टेहरु फेर्छु फेर्न त
नींद लाग्दैन पक्कै यो पनि था'छ ।
सपनामैं सही आए नि हुन्थ्यो
एकैछिन उन्लाई देख्न मन ला'छ ।
ख्वै ! किन हांस्छौ हेरेर मलाई ?
तिम्रो नि हालत उस्तै हो था'छ ।
अरुले देख्छन् जागीर खा छु
आफुलाई सधैं जागीरले खा'छ ।
बाहिर घाम लागेर के भो ।
मन भित्र सधैं बादलै छा'छ ।
इच्छाको पोको मनले बोक्छ
सास्ती चैं कठै ! आँखाले पा'छ ।
मणिग्राम, रुपन्देही, हालः हुम्ला