19 वर्षदेखि निरन्तर
समकालीन साहित्य
समकालीन साहित्य
जन्माउँदैमा मात्र बुवा बन्न कहाँ पाइन्छ र ।
हात बाँधी बसे देउ भन्न कहाँ पाइन्छ र ।।
ढुंगा मुढा जरासँग लड्न पर्छ स्वामी हुन ।
बाँझै पनि पराई खेत खन्न कहाँ पाइन्छ र ।।
असारमा सुती राखे साउनमा निधार टिले ।
असोज र कार्तिकमा अन्न कहाँ पाइन्छ र ।।
दिनभरी अल्छी गरी छहारीमा बसी राखे ।
भोक लाग्दा थालभरी टन्न कहाँ पाइन्छ र ।।
जोड्नु पर्छ एक एक गरी पाई पाई नछोडेर ।
नत्र भने साँझ हजार गन्न कहाँ पाइन्छ र ।।
जोगबुडा, डडेल्धुरा