गजल

गजल सन्जीव छेत्री October 16, 2011, 8:28 am

---

डाँडा कति यता तरें गाउँ छोडिराखेँ

चिट्ठी लेखेँ, खाममा तिम्रो नाउँ छोडिराखेँ ।।

सम्झनु र बिर्सनु त तिम्रै खुशी अब

जे भए'नी सम्झनालाई ठाऊँ छोडिराखेँ ।।

त्यति बिधी लोभि छैन, फेरि-फेरि लिन आउँला

दुख्नु केही संगै लगेँ घाऊ छोडिराखेँ ।।

चाख्नु अनि मलाई त्यसको भेउ बताउनु

नानी तिम्लाइ जिन्दगी त्यो च्याउ छोडिराखेँ ।।

त्यसै- कसै छेउ लाग्ने सुर कस्यो मनले

नखोज्नु है त्यहाँ त मैले लेउ छोडिराखेँ ।।

डाँडा काटी हिंडे पनि मन नकाटे 'सन्जु'

उसकै गजलभित्र आफ्नो नाउँ छोडिराखेँ ।।

सिटोङ -१, दार्जीलिङ,भारत

लेखकका अन्य रचना पढ्न यहाँ क्लिक गर्नुहोस ।