19 वर्षदेखि निरन्तर
समकालीन साहित्य
समकालीन साहित्य
भोकाएका
अलेकज्याण्डरहरूको आवाज
गुञ्जिन्दैन आजकल,
त्यो बन्द कोठाभित्र
यस बन्द कोठाभित्र के छैन र?
डल्लो परेर बसेको...एक मुट्ठी शब्दहरु ....र
च्यातिएको अर्जी पत्र...सप्पै छ यहाँ।
ढोका भत्काउन समयले...
चम्काएर पठाएको खोलाहरु..
रगतको मुस्लोमा स्वाट्ट परिणत भएर...
उल्टो बग्छ यहाँवाट...
पौडन नजान्ने मसिना बुधुनाहरु.,
रगतको मुस्लो र उसको जीवनको...
प्रतिस्पर्धामा...
सधैं नैँ हारिबस्छ।
युगानुयुग पछि ढोका आफै..
भत्किन्छ...
अचम्म..।
नयाँ होहल्ला मचिन्छ...
गान्धी र हिटलरको शहरमा..
नयाँ शासनको घुईचो चल्छ..
निमुखाहरूको गाउँमा..।।
देशभक्ति गीत..कानैमा..
गुञ्जिरहेको बेला..
अर्कै देशभक्तिको गीत,
फेरि बज्छ।।
"यो देश हाम्रो हो,
हामी जनताका सेवक र
जनता हाम्रो ईश्वर।।