14 वर्ष देखी निरन्तर
समकालीन साहित्य

शरदागमन

कविता विद्याप्रसाद घिमिरे October 24, 2011, 12:55 am

आयो फेरि शरद् रहरको उन्माद लिई साथमा

हिलो मैलो हट्यो सबतिर न मेघ नै आकासमा ।

हरित कुञ्ज दिन दिन गरि वर्ण फेर्दैछ स्वर्णको

चुलिएका शिखरहरू छन् दृष्टान्त अन्नपूर्णको ।।

लेक—बेँसी चहचह झुल्यो नानाथरिका पिङभैंm

सयपत्री र मखमली पूmल फक्रिदियो रङ्गिन भै ।

बर्षा गयो झलमल भयो दसैँ–तिहार बस्तीमा

वायुभित्र चिसोपन बढ्यो नाच्छ उमङ्ग मस्तीमा ।।

स्वच्छ जल कलकल बग्यो बज्यो मृदङ्ग गुञ्जन

वनबुट्यान हाँगा–पातमा ताण्डव नृत्य मञ्चन ।

पूर्ण यौवना उन्मुक्त जूनले हेरिरहन्छे रातमा

यही यामका किन्नरीहरू लजाउँछन् हर बातमा ।।

लेखकका अन्य रचना पढ्न यहाँ क्लिक गर्नुहोस ।