गजल

गजल भुवन कार्की ‘उजाड’ November 13, 2011, 9:03 am

---

पुरानै त्यो चौतारीमा पर्ख शान्ति अब

घरको कुरा मिल्न ला’छ फर्क शान्ति अब

जेठाजु र जेठानीले जरै खने भन्थ्यौ

कति गर्नु झगडा नझर्क शान्ति अब

प्रचण्ड र बाबुराम दाइ धेरै नरम भा’छन्

नहोस् हिंसा सत्यबिज छर्क शान्ति अब

झलनाथ र सुशिल दा’को बोली सुध्रेको छ

भाउजुहरु यस्तै हुन् नचर्क शान्ति अब

थाहै त छ छिमेकीको चाला तिम्लाई पनि

छिट्टै थालै मिल्नुपर्ने तर्क शान्ति अब

बुटवल–११, कालिकानगर

लेखकका अन्य रचना पढ्न यहाँ क्लिक गर्नुहोस ।