14 वर्ष देखी निरन्तर
समकालीन साहित्य

स्पर्श

कविता बैद्यनाथ उपाध्याय November 19, 2011, 3:18 am
बैद्यनाथ उपाध्याय
बैद्यनाथ उपाध्याय

पीडाहरूको ध्वाँसो पोतिएर

प्रगाढ बनेको यो रात!

सुनिरहेछु

छातिभरी भूकम्पको हलचल

धरफराएका छन

आदर्शका स्तम्भहरू

भत्किएर सम्झनाका बाँधहरू

आकाशभरी उत्रिएको छ

सपनाका 'कोलाज' हरू

केही ठम्याउनै न सक्ने गरी

के हो यो ? प्रेम

या मेरो पागलपन !

उडिरहेछ यो मन हावासरी

खोजेर तिम्रै सान्निध्यका मीठा पलहरू

चारै दिशाहरू अँध्यारोले

धूमिल भएको बेला

कहाँ भेटिएला, मैले खोजेको

मायाका कोमल स्पर्शहरू!

असम

लेखकका अन्य रचना पढ्न यहाँ क्लिक गर्नुहोस ।