14 वर्ष देखी निरन्तर
समकालीन साहित्य

गजल

गजल विद्याप्रसाद घिमिरे December 9, 2011, 2:05 am

तिम्रो मनले स्वीकारेको उमेद्वार आएँ

यो जिन्दगी तिम्रा लागि उपहार ल्याएँ ।

जून–ताराको दुनियाँमा भौतारिँदै हिडेँ

बल्ल मनको भित्र जाने मूलद्वार भेठ्ठाएँ ।

जवानीले मस्त नयन सुस्त खोली हेर

मन रानीका लागि दिलको दरबार सजाएँ ।

तिमी सिङ्गो बगैँचा हौ फूलको के कुरा ?

त्यसैले त आफू आउँदा साथै बहार ल्याएँ ।

तिमीलाई छोई आउने सुगन्धलाई मैले

बाँच्न बाँकी जिन्दगीको आधार बनाएँ ।

तिमीलाई पाएर’ नि पाउन बाँकी नै छ

तिमीभित्र अचम्मको छुट्टै संसार पाएँ ।

सन्तुष्टि र तुष्टिको त हिसाबै के भो र !

यत्ति भन्छु–‘तिमी पाएँ जिउने सार भेट्टाएँ ।’

लेखकका अन्य रचना पढ्न यहाँ क्लिक गर्नुहोस ।