18 वर्षदेखि निरन्तर
समकालीन साहित्य
समकालीन साहित्य
परेलीमा तिम्रो आज, बास मागु कि त ?
एक पटक फेरी ज्युने, स्वास मागु कि त ?
सपनीमा जता ततै , तिमीलाई नै देख्छु
बिपनीमा सपनीको, तेही कथा लेख्छु
आखिरमा फेरी पनि, तिम्रै भयो जीत
एक पटक जिन्दगीको, सापट मागु कि त ?
फूल फुले चारैतिर, बास्ना भने छैन
देख्दा लाग्ने रुपै राम्रो, आत्मा भने छैन
यस्तै यस्तै हुँदो रैछ, संसारको रीत
एक पटक फेरी ज्युने, स्वास मागु कि त ?
मैले ठाने म त अहो, पहाड जस्तै ठूलो
मैले सोंचे तिमि कठै, पैतालाको धूलो
भूल रैछ हठ मेरो, भन्ठानेको जीत
एक पटक जिन्दगीको, सापट मागु कि त ?