गजल

गजल डी.वी. टुहुरो June 2, 2012, 4:48 pm

---

पापिनीको तस्वीरलाई सुम्सुम्याई छोएँ कति ?

तस्वीरलाई काखी च्यापी कल्पनामै सोएँ कति?

निदरीमा झस्काउने विपनीमा याद आउने,

उसकै यादमा बौरिएर आफैलाई खोएँ कति ?

मन्दिरमा हात जोडी सँगसँगै कसम खा’को,

पलपल याद आउँदा अनायासै रोएँ कति ?

नसम्झेको दिन छैन,नरोएको रात छैन,

आँसु पुछ‍्ने बहानामा सिरानीलाई धोएँ कति ?

रोल्पा

लेखकका अन्य रचना पढ्न यहाँ क्लिक गर्नुहोस ।