14 वर्ष देखी निरन्तर
समकालीन साहित्य

गजल

गजल जे. आर."आभास" February 15, 2013, 1:17 pm

बुझ्छ कस्ले पीडा ति पिएका मान्छेको

आफैँ बिर्सि नसामा जिएका मान्छेको,

हेरेर प्रेमानुभाव हुने भए देखि,

कुनै अर्थ हुन्न दिल दिएका मान्छेको,

टुक्रीएको मन कहाँ जोडिएको छ र,

लाखौँ कोसिसले मन सिएका मान्छेको,

मुखले त बन्यो देश कामले बनेन,

भर छैन यी सपथ लिएका मान्छेको,

महल भित्र कहिले हुन्छ र आदर,

खुन पसिना बगेर खिएका मान्छेको

लेखकका अन्य रचना पढ्न यहाँ क्लिक गर्नुहोस ।