14 वर्ष देखी निरन्तर
समकालीन साहित्य

गजल

गजल विद्याप्रसाद घिमिरे February 22, 2013, 8:42 am

मेरो हजुर ! भोलिको नेपाल कस्तो हुन्छ ?

जहिले भेट्छु मित्रको सवाल यस्तो हुन्छ ।

भोकमरी र गरिबी हिमालमाथि पुग्यो

हेर अब जीवनभन्दा काल सस्तो हुन्छ ।

राजनीतिको तालाचावी अन्तै सुम्पिदिए

हेर्दै जाऊँ विदेसीले जाल कस्तो बुन्छ ?

बुझ्यौ साथी कुन दुर्गति कुन बेहाल हुन्छ

हाम्रो गति कछुवाको चालजस्तो हुन्छ ।

लेखकका अन्य रचना पढ्न यहाँ क्लिक गर्नुहोस ।