19 वर्षदेखि निरन्तर
समकालीन साहित्य
समकालीन साहित्य
गन्तव्यमा पुग्नलाई बाटो तय हुनै पर्छ
उनान्सय जिन्दगी यो पुरै सय हुनै पर्छ
समयको गतिसँगै चल्न मैले जानिनछु
म जागें है मेरै बसमा यो समय हुनै पर्छ
ए बिधाता तैंले धेरै दु:ख कष्ट दिई सकिस
कालो रात फाटी अब सूर्योदय हुनै पर्छ
दुनियाँको इशारामा नाच्नु सम्म नाची सकें
अब मेरै शब्द स्वर मेरै लय हुनै पर्छ
सयौं हार खाएपनि थाकेको म छैन अझै
हारको यो शिक्षाले नै म बिजय हुनै पर्छ
गुप्तेश्वर-३,रामेछाप, हाल:अबुधाबी,युएई