14 वर्ष देखी निरन्तर
समकालीन साहित्य

युग युग अमर बन्नेछौ आमा तिमी

कविता बसन्त श्रेष्ठ May 11, 2013, 2:18 am
बसन्त श्रेष्ठ
बसन्त श्रेष्ठ

म जहाँ जान्छु

एउटा सुन्दर तस्बिर मेरो आँखामा

जीबन भर म संगै हिडिरहन्छ |

जीबनमा पहिलो चोटी

यस लोकमा देखेको त्यो मुहार

जिबन भर स्नेह र मायाको

सामिप्यता प्राप्त गरेको त्यो काख

म कहिले पनि भुल्न सक्दिन

आमा तिमीले

मेरा खुशीका लागी गरेका हर प्रयत्नहरु |

म सम्झन्छु

सानो छंदा काख दिएर

युवामा साथ दिएर

वयस्कमा आदेश दियेर

मेरो हर खुशीमा साथ दिइरहने

तिमि मेरी जननी

ममताकी खानी

खै म कसरि चुकाउँ तिम्रा ति गुनको बदला |

कल्पन्छु,

आकाश भन्दा माथि माथि रहेर

जुन तारा बनेर

बादल भित्र लुकेर

कहिले

संगै संगै छायाँ बनेर

मेरो सुख दुखमा

अहिले पनि तिमी

नियाली रहेका छौ

संधै संधै |

मेरी माता

जब म देख्छु

तिम्रो सुन्य उपश्थिति

अनि म झस्कन्छु

सार्है पीडाबोध हुन्छ

सत्यता स्वीकार्नकोलागी

तब म सोच्छु

अभाब र पिडामा रुन अब म कहाँ जाउँ |

पिर र व्यथा सुनाउन अब म कहाँ जाउँ

तिम्रो रिक्तताको

तिम्रो अभावको

पल पल खट्किरहन्छ

तिम्रो अनुपस्थितिको सुन्यपन

झन् झन् बढिरहन्छ |

आमा

तिम्रो समर्पणको

तिम्रो त्याग र तपस्याको

तिम्रो उदारता र शालीनताको

मुल्य चुकाउन त सकिन्न

यो जन्ममा

तैपनि म प्रण गर्छु

छर्नेछु सुवास सुगन्धको

तिम्रो नामको

तिम्रो कामको

यस जगत भरी

अनि आमा तिमि

बन्नेछौ अमर

यस ब्रहमाण्ड भरी

युग युगसम्म |

भर्जिनिया, अमेरिका

लेखकका अन्य रचना पढ्न यहाँ क्लिक गर्नुहोस ।