14 वर्ष देखी निरन्तर
समकालीन साहित्य

गजल

गजल फणीन्द्र संगम June 21, 2013, 1:55 pm

दिउँसो सुत्छ राति उठ्छ, कस्तो काठमाडौं !

आफ्नै आँखाअघि लुट्छ, कस्तो काठमाडौं !

ढुकिरहन्छ सिकार, आखिर फेला पारिछाड्छ

सिनो लुछेजस्तै लुछ्छ, कस्तो काठमाडौं !

सेतोलाई कालो अनि, कालो–सेतो बनाउँदै

भुट्नुसम्म दिमाग भुट्छ, कस्तो काठमाडौं !

मान्छेभन्दा फरक बाँच्न भई जानिएन भने

इमान–इज्जत सबै धुत्छ, कस्तो काठमाडौं !

इलाम, हाल: काठमाडौं ।

लेखकका अन्य रचना पढ्न यहाँ क्लिक गर्नुहोस ।