14 वर्ष देखी निरन्तर
समकालीन साहित्य

गजल

गजल प्रज्ञा ढुंगाना October 26, 2013, 3:02 am

साथी सम्झी साथ दिदाँ तिमीलाई नै चा'को नठान्नु

आखाँ जुध्दा हेरिदिए मैले माया ला'को नठान्नु ।

हिंड्न भन्यौ संगसंगै, ब्यर्‍थैमा नै हिँडिदिए

मायाको भोकी भइ तिम्रै पछि^ ला'को नठान्नु ।

सुर तिम्रै,स्वर तिम्रै, कलाको केबल प्रशंशा गर्दा

प्रीतका गीतहरु तिमीसंगै गा'को नठान्नु ।

कती कुरा मिले होलन्, एउटै बाटो हिड्दाखेरि

सत्यताको समर्थन गर्दा बाचाकसम खा'को नठान्नु ।

जिन्दगीको खेल नै यस्तो, समय संगै बग्नपर्ने

फेरी भेट हुँदाखेरी तिमीतिरै आ'को नठान्नु ।

साथी सम्झी साथ दिदाँ तिमीलाई नै चा'को नठान्नु

आखाँ जुध्दा हेरिदिए मैले माया ला'को नठान्नु ।

भद्रवास्, काठमाडौं,नेपाल

लेखकका अन्य रचना पढ्न यहाँ क्लिक गर्नुहोस ।