14 वर्ष देखी निरन्तर
समकालीन साहित्य

चरा र धर्म

कविता महेश प्रसाईं November 9, 2013, 4:10 pm

तिमी मुसलमान

म सर्वमान

ऊ हिन्दू

यो बुद्धिष्ट,

त्यो क्रिस्तान

अर्को कोही शिख बहाई,

एउटा चराले हेर्दा

केही देख्दैन

यी सबैलाई ,

उसले आफ्नो दृष्टिमा

यी मान्छे वस्त्रहरू

जे जेख्छ

आफूभन्दा ठूलो चरा देख्छ

नउड्ने चरा,

निःसन्देश उसले देख्दैन

कुनै धर्म–वस्त्र,

फगत् चराको धर्म

चरा हुनु हो

र अर्को चरालाई

चराजस्तै देख्नु हो

क्रमशः

आफूभन्दा भिन्न वस्तुलाई

अनौठो चरा देख्नु हो ।

लेखकका अन्य रचना पढ्न यहाँ क्लिक गर्नुहोस ।