गजल

गजल सजना सन्ध्या December 7, 2013, 10:53 pm

---

पहिलो पहिलो माया किन प्राणभन्दा प्यारो हुन्छ

त्यही माया पछि किन ढु्ङ्गाभन्दा सारो हुन्छ ?

जसको निम्ति सारा जीवन साँचिएको थियो

उसैलाई सम्झिएर बाँच्न किन गाह्रो हुन्छ ?

मया र मन मिलेपछि जातथर नमिल्दैमा

समाजमा जिउन फेरि किन अप्ठ्यारो हुन्छ ?

मनले रोज्या मान्छेसँग जीवन जिउन खोज्दा पनि

आफ्नै परिवार किन किन तगारो हुन्छ ?

यति ठूलो दुनियाँ छ जाबो एउटा साथ छुट्दा

उसको लागि संसार किनकिन अँध्यारो हुन्छ ?

जिन्दगीको बाँच्ने आधार एउटा माया छुटेपछि

जीवन भन्दा मृत्यु नै किनकिन प्यारो हुन्छ ?

गागल भदौरे–४, रामेछाप ।

लेखकका अन्य रचना पढ्न यहाँ क्लिक गर्नुहोस ।