14 वर्ष देखी निरन्तर
समकालीन साहित्य

गीत

गीत भेषराज रिजाल December 7, 2013, 4:57 pm

सापट लिई अलिकति जूनघामको रश्मी

दुवै हात फैलाएर मुस्काउँदा तिमी

वसन्तले जिन्दगीलाई चुमेछ कि भनी

यसो नजर उठाएर हेर्छु मैले पनि !

वारि छाँया भए पनि पारि घाम लाग्दा

हिमाल टल्की झलमल्ल मनमा ज्योति बल्दा

उज्यालोले जिन्दगीलाई छोएछ कि भनी

यसो नजर घुमाएर हेर्छु मैले पनि !

जताततै हरियाली बाग थियो फूल थियो

उमङ्गमा चङ्गा भन्दा बढी उड्ने मन थियो

सुदिनले जिन्दगीलाई फेरेछ कि भनी

यसो नजर डुलाएर हेर्छु मैले पनि !

साँचेको छु रूग्ण इच्छा ढल्ने जिजीविषा

भाँचेको छु दु;खी अतित मन पोल्ने दृष्य

बग्दै जाँदा डुब्दै जाँदा सहारा पो छ कि भनी

यसो नजर चलाएर हेर्छु अझै पनि !

लेखकका अन्य रचना पढ्न यहाँ क्लिक गर्नुहोस ।